Food Standards Agency
Sunday 5 July 2009
Safe food and healthy eating for all banner welsh
AZ-Directory
What's NewRSS
What is RSS?Listen
Listen to this siteMonday 5 April 2004
Trafodir gorfodi cyfraith bwyd Awdurdod Lleol mewn cyfarfod agored yng Nghaernarfon ddydd Mercher, 21 Ebrill.
Bydd aelodau Pwyllgor Cynghori ar Fwyd Cymru yr Asiantaeth Safonau Bwyd yn clywed sut mae’r Asiantaeth Safonau Bwyd, y Gwasanaeth Hylendid Cig, y Gwasanaeth Iechyd Cyhoeddus Cenedlaethol ac awdurdodau lleol yn cydweithio i sicrhau diogelwch, ansawdd a chyflwyniad bwyd o’r Fferm i’r Fforc. Cynhelir y cyfarfod yng Ngwesty’r Celt, Stryd Bangor yng Nghaernarfon.
Gwahoddir aelodau'r cyhoedd, adwerthwyr a chynhyrchwyr bwyd, cynrychiolwyr awdurdodau lleol a sefydliadau eraill sydd ¿ diddordeb mewn diogelwch a safonau bwyd i fynychu cyfarfod agored, a gynhelir rhwng 9.00am a 1.00pm. Gwahoddir aelodau’r gynulleidfa i rannu eu barn ar y materion bwyd sydd o bwys iddyn nhw, ac i wneud sylwadau ar ystyriaethau'r dydd yn ystod sesiwn holi ac ateb agored.
Mae Pwyllgor Cynghori ar Fwyd Cymru (WFAC) yn rhoi cyngor a gwybodaeth i'r Asiantaeth Safonau Bwyd ar ei waith yng Nghymru. Fel rhan o'i ymroddiad i fod yn agored, mae'n cynnal cyfarfodydd agored yn rheolaidd ledled y wlad. Mae gan ei naw aelod amrywiaeth eang o arbenigedd mewn gwahanol agweddau ar y diwydiant bwyd.
Dylai aelodau'r cyhoedd sydd am fynychu'r cyfarfod agored ffonio Helen George ar 029 2067 8907 neu anfon ebost at helen.george@foodstandards.gsi.gov.uk
Back to topMae Pwyllgor Cynghori ar Fwyd Cymru yn cynnwys: -
Mrs Ann Hemingway – Cadeirydd
Yr Athro Robert Bell, rheolwr gyfarwyddwr yr Environmental Advice Centre Ltd, ymgynghoriaeth amgylcheddol aml-ddisgyblaeth wedi’i lleoli yn y gogledd
Dr David Casemore, cyn-bennaeth yr Uned Gyfeirio Cryptosporidiwm Genedlaethol y Gwasanaeth Labordai Iechyd Cyhoeddus
Mrs Gilli Davies, cogyddes Cordon Bleu, newyddiadurwraig fwyd a darlledwraig
Yr Athro Margaret Griffiths, Pennaeth Ysgol y Gyfraith Prifysgol Morgannwg, Pontypridd
Yr Athro James Parry, Athro mewn Geneteg ym Mhrifysgol Cymru, Abertawe
Mrs Dilwen Phillips, swyddog Bwrdd Ymddiriedolwyr Ffederasiwn Cenedlaethol Sefydliad y Merched
Yr Athro Robert Pickard, Cyfarwyddwr Cyffredinol Sefydliad Maethiad Prydain
Mr David Smith, prif gogydd, darlithydd ac ymgynghorydd Cynghrair Bwyd Cymru.
11th Floor, Southgate House,
Wood Street,
Cardiff CF10 1EW
Telephone: 02920 678916
Fax: 02920 678918/9
Email:
caroline.kitson@foodstandards.gsi.gov.uk
Find out what our other sites have to offer