Food Standards Agency
Friday 3 July 2009
Safe food and healthy eating for all banner welsh
AZ-Directory
What's NewRSS
What is RSS?Listen
Listen to this siteMonday 10 May 2004
Ref: 12/04CK
Bydd Asiantaeth Safonau Bwyd Cymru yn cynnal archwiliad o weithgareddau gorfodi cyfraith fwyd Cyngor Sir Powys. Bydd yr archwiliad, a fydd yn cychwyn ar 24 Mai 2004, yn galluogi'r Asiantaeth i gymharu perfformiad yr awdurdod â'r safon drwy'r DU gyfan.
Cynhelir archwiliadau o awdurdodau lleol fel rhan o'r Cytundeb Fframwaith ar orfodi cyfraith fwyd gan awdurdodau lleol, a ddaeth i rym ar 1 Ebrill 2001. Caiff awdurdodau lleol eu harchwilio yn ôl 'Safon' y Cytundeb Fframwaith sy'n nodi eu holl weithgareddau gorfodi cyfraith fwyd.
Mae'r archwiliadau'n edrych ar y modd mae swyddogion awdurdodau lleol yn cyflawni eu cyfrifoldebau wrth orfodi cyfraith fwyd y DU. Mae hyn yn rhoi gorolwg i'r Asiantaeth o'r mesurau a sefydlwyd gan yr awdurdod lleol i warchod defnyddwyr lleol a chyfle i awgrymu pa welliannau sydd eu hangen, os oes angen gwella o gwbl.
Bydd canfyddiadau archwiliad Cyngor Sir Powys yn cael eu hasesu ac unwaith y bydd yr adroddiad yn gyflawn, bydd manylion perfformiad yr awdurdod yn cael eu cyhoeddi.
Meddai Steve Wearne, Cyfarwyddwr ASB Cymru: ‘Mae gan yr Asiantaeth Safonau Bwyd ran allweddol i'w chwarae wrth oruchwylio gweithgarwch gorfodi awdurdodau lleol. Gorfodwyr cyfraith fwyd lleol yw'r amddiffyniad cyntaf i'r cyhoedd, yn sicrhau diogelwch a safon ein bwyd. Ein gwaith ni yn yr Asiantaeth, mewn partneriaeth ag awdurdodau lleol, yw gosod safon a bydd y rhaglenni archwilio hyn yn dangos a yw'r safon yn cael ei bodloni.’
Dywedodd i gloi, ‘Mae'r rhaglen yn ein cynorthwyo i ddeall yn well sut mae awdurdodau lleol yn gweithredu ledled Cymru, a bydd yn ein galluogi i nodi arferion da a'u rhannu ag awdurdodau eraill. Bydd yr archwiliadau hefyd yn galluogi'r Asiantaeth i nodi a mynd i'r afael â meysydd sy'n peri pryder, a dangos i ni pa mor briodol yw'r adnoddau a neulltuir ar gyfer y gwaith pwysig hwn.’
Back to top
11th Floor, Southgate House,
Wood Street,
Cardiff CF10 1EW
Telephone: 02920 678916
Fax: 02920 678918/9
Email:
caroline.kitson@foodstandards.gsi.gov.uk
Find out what our other sites have to offer