Food Standards Agency
Friday 3 July 2009
Safe food and healthy eating for all banner welsh
AZ-Directory
What's NewRSS
What is RSS?Listen
Listen to this siteMonday 31 January 2005
Ref: WA 04/O5CK
O ganlyniad i bryder ynglŷn â nifer y materion bwyd anaddas a lladd anghyfreithlon yr ydym wedi eu hymchwilio yn ystod y tair blynedd ddiwethaf, mae Uned Cydgysylltu Twyll Bwyd arbenigol wedi ei sefydlu yng Nghymru.
Mae Swyddogion Diogelwch Bwyd awdurdodau lleol yn y gorllewin wedi gweithio mewn partneriaeth ag Asiantaeth Safonau Bwyd Cymru i ymchwilio i achosion o ladd da byw yn anghyfreithlon a'r fasnach hynod broffidiol mewn cyflenwi cig anaddas i'w fwyta. Yn aml, lleddir anifeiliaid ar gyfer y fasnach hon mewn adeiladau didrwydded ar ffermydd ac o dan amodau afiach ac aflan.
Mae cyllid wedi ei sicrhau gan Gynulliad Cenedlaethol Cymru i greu'r uned gydgysylltu i helpu i fynd i'r afael â materion o'r fath. Lleolir yr uned yng Nghyngor Sir Ceredigion, ac mae'n adnodd sydd ar gael i helpu a chydgysylltu ymdrechion gorfodi'r 22 Awdurdod Lleol yng Nghymru sy'n gyfrifol am ddiogelwch bwyd, safonau bwyd a bwydydd anifeiliaid. Nod yr Uned yw cydgysylltu ymdrechion gorfodi awdurdodau lleol yng Nghymru i fynd i'r afael ag unrhyw un sy'n mynd yn groes i fesurau rheoli diogelwch bwyd yn fwriadol mewn ffordd gadarn a chyson a lleihau'r risg i ddiogelwch ac iechyd y cyhoedd.
Yn ôl Joy Whinney, Cyfarwyddwraig Asiantaeth Safonau Bwyd Cymru, er y bydd cyfrifoldeb am ymchwilio i achosion o fynd yn groes i gyfraith diogelwch bwyd yn parhau gydag awdurdod lleol yr ardal lle cyflawnir y drosedd, mae profiad wedi dangos nad yw unigolion sy'n cymryd rhan mewn gweithgareddau anghyfreithlon o'r fath yn cael eu cyfyngu gan ffiniau siroedd na gwledydd.
Esboniodd y bydd yr Uned Cydgysylltu Twyll Bwyd yn cynorthwyo i ddatrys gweithgareddau anghyfreithlon trawsffiniol, gan helpu i gydlynu'r trefniadau gorfodi yng Nghymru a lleihau'r cyfle i bobl fynd yn groes i'r mesurau rheoli diogelwch bwyd ac iechyd anifeiliaid yn fwriadol ac mewn ffordd hynod, soffistigedig a threfnus. Gall yr Uned rannu ei phrofiad gyda chydweithwyr awdurdodau lleol o bob cwr o�r DU, i gynorthwyo i ddatblygu arfer da i helpu i frwydro i atal unrhyw fasnach anghyfreithlon, yn genedlaethol neu'n rhanbarthol.
Back to top
11th Floor, Southgate House,
Wood Street,
Cardiff CF10 1EW
Telephone: 02920 678916
Fax: 02920 678918/9
Email:
caroline.kitson@foodstandards.gsi.gov.uk
Find out what our other sites have to offer