Food Standards Agency
Saturday 4 July 2009
Safe food and healthy eating for all banner welsh
AZ-Directory
What's NewRSS
What is RSS?Listen
Listen to this siteCafodd Asiantaeth Safonau Bwyd Cymru ei lansio ym mis Ebrill 2000. Ein gobaith ni yw bod pobl yng Nghymru yn troi atom ni er mwyn cael cyngor a gwybodaeth ddibynadwy am fwyd. Mae ein dylanwad yn ymestyn o'r 'fferm i'r fforc' - mewn geiriau eraill, o'r adeg y mae bwyd yn cael ei dyfu neu'i weithgynhyrchu hyd nes iddo gyrraedd eich plât. Rydym yn eich rhoi chi, ddefnyddwyr Cymru, yn gyntaf.
‘"Bwyd diogel a bwyta'n iach i bawb"’
O dan arweinyddiaeth ein Cyfarwyddwr, Steave Wearne, mae gan 40 aelod staff ASB Cymru ystod eang o arbenigedd polisi a phroffesiynol. O'n swyddfa yng nghanol Caerdydd, rydym yn gwneud gwaith amrywiol. Roedd y gwaith hwn yn arfer cael ei wneud gan staff iechyd cyhoeddus ac amaethyddiaeth Cynulliad Cenedlaethol Cymru.
Ym 1999, cafodd pwerau diogelwch a safonau bwyd eu datganoli i Gynulliad Cenedlaethol Cymru. Mae'r ASB yn atebol i'r Cynulliad Cenedlaethol, ac i'r Senedd drwy'r Gweinidogion Iechyd. Mae'n fantais gweithio yng nghyd-destun datganoli gan fod hyn yn golygu ein bod ni'n gallu ystyried anghenion a materion sy'n ymwneud yn benodol â Chymru, gan sicrhau hefyd ein bod ni'n gweithio mewn ffordd gyson â gweddill y DU. Mae hyn yn bwysig gan nad yw diogelwch bwyd, wrth gwrs, yn cydnabod ffiniau gwleidyddol na daearyddol.
Bydd yr Asiantaeth yn gwarchod buddiannau defnyddwyr yng Nghymru trwy ddilyn tri gwerth craidd. Bydd yn rhoi'r defnyddiwr yn gyntaf, bydd yn agored ac yn hygyrch, a bydd yn llais annibynnol. Rydym yn gwneud ein gwaith mewn ffordd agored, ac rydym yn gwneud penderfyniadau mewn ffordd agored ac yn hygyrch.
Back to topMae Pwyllgor Cynghori ar Fwyd Cymru yn goruchwylio ein gwaith. Sefydlwyd y Pwyllgor i roi cyngor a gwybodaeth i'r Asiantaeth yng Nghymru a'r cadeirydd yw John Spence. Mae'r cyfarfodydd pwyllgor agored, a gynhelir bob ychydig fisoedd mewn lleoliadau ledled y wlad, yn enghraifft o ymrwymiad ASB Cymru i weithredu'n agored.
Mae gan Bwyllgor Cynghori ar Fwyd Cymru wyth aelod arall, pob un yn darparu sylfaen o wybodaeth eang am faterion bwyd a materion sy'n ymwneud â bwyd. Gellir gweld bywgraffiadau'r holl aelodau ar y wefan hon - cliciwch ar 'Pwyllgor Cynghori ar Fwyd Cymru' ar brif ddewislen tudalen Cymru.
Back to topAm wybod mwy am fwyta'n iach, cadw bwyd yn ddiogel a llawer, llawer mwy?
Mae'r ASB yn rhoi cyngor a gwybodaeth i'r cyhoedd a'r Llywodraeth ar ddeiet, maeth a diogelwch bwyd o'r fferm i'r fforc. Mae hefyd yn diogelu defnyddwyr drwy orfodi a monitro bwyd yn effeithiol.
Mae Deddf yr Iaith Gymraeg 1993 yn nodi bod yn rhaid i bob corff cyhoeddus sy'n darparu gwasanaethau i'r cyhoedd yng Nghymru baratoi Cynllun yn amlinellu sut y bydd yn darparu'r gwasanaethau hynny yn yr iaith Gymraeg. Roedd Cynllun Iaith Gymraeg cyntaf yr ASB yn weithredol rhwng 2002 - 2007 ac mae'r ASB bellach wedi rhoi ei hail gynllun ar waith ar gyfer 2008 - 2012.
O dan dermau'r ddeddfwriaeth, sefydlwyd Pwyllgor Cynghori ar Fwyd Cymru i roi cyngor a gwybodaeth i'r Asiantaeth ar faterion sy'n ymwneud â'i swyddogaethau yng Nghymru. Mae'n ofynnol i'r Asiantaeth ystyried cyngor y Pwyllgor Cynghori wrth gyflawni ei swyddogaethau neu gynghori'r Cynulliad Cenedlaethol neu Weinidogion.
Find out what our other sites have to offer