Gair am Asiantaeth Safonau Bwyd Cymru

about us

Ein gobaith ni yw bod pobl yng Nghymru yn troi atom ni er mwyn cael cyngor a gwybodaeth ddibynadwy am fwyd. Mae ein dylanwad yn ymestyn 'o'r fferm i'r fforc' - mewn geiriau eraill, o'r adeg y mae'r bwyd yn cael ei dyfu neu ei weithgynhyrchu nes iddo gyrraedd eich plât. Rydym yn eich rhoi chi, ddefnyddwyr Cymru, yn gyntaf.

‘Gwybodaeth am fwyd - ni sy'n gosod y safon’

Mae gan aelodau o staff ASB Cymru ystod eang o arbenigeddau polisi a phroffesiynol. O'n swyddfa yng nghanol Caerdydd, rydym yn gwneud gwaith amrywiol. Roedd y gwaith hwn yn arfer cael ei wneud gan staff iechyd cyhoeddus ac amaethyddiaeth y Swyddfa Gymreig, ond ym 1999, cafodd pwerau diogelwch a safonau bwyd eu datganoli i Gynulliad Cenedlaethol Cymru. Mae'r ASB yn atebol i'r Cynulliad Cenedlaethol, ac i'r Senedd drwy'r Gweinidogion Iechyd. Mae'n fantais i ni gael gweithio yng nghyd-destun datganoli gan fod hyn yn golygu ein bod ni'n gallu ystyried anghenion a materion sy'n ymwneud yn benodol â Chymru, ac eto sicrhau ein bod ni'n gweithio mewn ffordd gyson â gweddill y DU. Mae hyn yn bwysig gan nad yw diogelwch bwyd, wrth gwrs, yn cydnabod ffiniau gwleidyddol na daearyddol.

Gwaith Allweddol

Drwy werthoedd craidd yr Asiantaeth, rydym yn gwarchod defnyddwyr Cymru. Rydym yn rhoi'r defnyddiwr yn gyntaf; rydym yn agored a hygyrch; ac mae gennym ni lais annibynnol. Rydym yn gwneud ein gwaith yn agored, ac rydym yn gwneud penderfyniadau mewn ffordd agored ac eglur.

Dyma feysydd gwaith allweddol yr Asiantaeth yng Nghymru

Maeth - rhoi cyngor i'r cyhoedd, y Cynulliad Cenedlaethol ac eraill ar faeth a deiet. Rydym yn gweithio gyda'r Cynulliad ar feysydd o gyfrifoldeb rydym ni'n eu rhannu;
Diogelu defnyddwyr - drwy orfodaeth a monitro effeithiol, gan gydweithio'n agos ag Awdurdodau Lleol Cymru;
Lleihau salwch a gludir gan fwyd - drwy weithio gyda diwydiant a gorfodwyr i leihau halogiad, a chodi ymwybyddiaeth gyhoeddus o sut mae trin bwyd yn ddiogel;
Sicrhau diogelwch bwyd - er enghraifft, drwy gyfrannu at waith yn y DU i sicrhau nad yw cemegolion yn peryglu diogelwch bwyd, a drwy sicrhau bod camau priodol yn cael eu cymryd i reoli BSE;
Cefnogi dewis defnyddwyr - drwy labelu cynhyrchion yn gywir ac yn ystyrlon a thrwy roi gwybodaeth i'r cyhoedd ar ddiogelwch bwyd, canlyniadau arolygon a gwaith gorfodi.

Pwyllgor Cynghori ar Fwyd Cymru

Mae ein gwaith yn cael ei oruchwylio gan Bwyllgor Cynghori ar Fwyd Cymru . Sefydlwyd y Pwyllgor i roi cyngor a gwybodaeth i'r Asiantaeth yng Nghymru. John Spence yw'r cadeirydd, yn ogystal ag aelod Cymru o Fwrdd yr Asiantaeth Safonau Bwyd. Mae cyfarfodydd pwyllgor agored yn cael eu cynnal bob rhyw dri mis ar hyd a lled y wlad, ac mae hyn yn enghraifft o ymrwymiad ASB Cymru i weithio'n agored. Mae gan y Pwyllgor wyth aelod arall, sy’n cynnig sylfaen gadarn o wybodaeth am faterion bwyd a materion sy’n gysylltiedig â bwyd. Mae bywgraffiadau'r holl aelodau ar y wefan hon. Cliciwch yma i ddysgu mwy am yr aelodau.

Find out more

ASB Cymru - Y Cefndir

Cafodd Asiantaeth Safonau Bwyd Cymru ei lansio ym mis Ebrill 2000. Ein gobaith ni yw bod pobl yng Nghymru yn troi atom ni er mwyn cael cyngor a gwybodaeth ddibynadwy am fwyd. Mae ein dylanwad yn ymestyn o'r 'fferm i'r fforc' - mewn geiriau eraill, o'r adeg y mae bwyd yn cael ei dyfu neu'i weithgynhyrchu hyd nes iddo gyrraedd eich plât. Rydym yn eich rhoi chi, ddefnyddwyr Cymru, yn gyntaf.

Amaeth

Mae'r Asiantaeth Safonau Bwyd yn gyfrifol am wella diogelwch bwyd ym mhob rhan o'r gadwyn fwyd. Mae hyn yn cynnwys gwella hylendid ar y fferm a sicrhau nad yw iechyd pobl yn cael ei beryglu o ganlyniad i'r hyn sy'n cael ei fwydo i anifeiliaid.

Cyhoeddiadau Cymraeg

Cyhoeddiadau Cymraeg sy'n cael eu cynhyrchu gan yr Asiantaeth Safonau Bwyd

Diogelwch a Hylendid

Gwaith ASB Cymru i hyrwyddo diogelwch bwyd a pharatoi bwyd yn hylan. I gael rhagor o wybodaeth am ddiogelwch bwyd, beth am gymryd cip ar ein gwefan bwyta'n iach (External) eatwell.gov.uk ?

Maeth

Y gwaith sy'n cael ei wneud yng Nghymru i helpu pobl i fwyta'n fwy iachus, gan gynnwys strategaethau, polisïau a mentrau ymarferol. I gael rhagor o wybodaeth am fwyd diogel a bwyta'n iach, beth am gymryd cip ar ein gwefan bwyta'n iach (External) eatwell.gov.uk

Newyddion a Datganiadau

Newyddion a Datganiadau'r Asiantaeth Safonau Bwyd. Am wybod mwy am y digwyddiadau diweddaraf ym myd yr Asiantaeth?

Rheoliadau ac Ymgynghoriadau

Manylion y canllawiau a'r gwaith gorfodi a rheoleiddio sy'n cael ei wneud gan ASB Cymru.

Ysgolion

Mae'r asiantaeth yn cynnal llawer o weithgareddau i helpu i annog ysgolion i fabwysiadu dull o weithio sy'n ymwneud â'r 'ysgol gyfan' wrth fynd i'r afael â deiet a maeth. Mae hyn yn helpu pobl ifanc i ddeall y berthynas rhwng deiet ac iechyd, ac i wneud dewisiadau iachach ac ennill y sgiliau sydd eu hangen i baratoi prydau iachus mewn ffordd ddiogel.

Graphic version of this page